×

منوی بالا

منوی اصلی

دسترسی سریع

اخبار سایت

true

ویژه‌های خبری

true
   سه شنبه ۲۷ شهریور ۱۳۹۷  
it is true
true
true
سنی دئییرلر ماهنیسی ایله میللتی شاد ائتدییمه گؤره سئوینیرم

سنی دئییرلر ماهنیسینین اوخویانی مهدنیوز ایله دانیشیقدا، بو ماهنینین توپلوما بیر شادلیق تحفه سی کیمی اولماسیندان، سئویندیین بللی ائتدی.

مهدنیوزون گزارشینه گؤره، ابراهیم علیزاده، بو سؤزلری دیله گتیرندن سونرا، دئدی: ماهنینین تانیتدیرماسینا خاص ایش گؤرولمه ییب و میللتین اؤز بیه نیسی ایله «سنی دئییرلر» دیللره دوشوب و بیر چالیش اولاراق، دوام ائدیب.

او بونو دئیرک کی هئچ زمان بو ماهنینین بو قدر تانینماسین اینانا بیلمزدی، وورقولادی: ماهنی نین ریتمیک و اویناق اولماسی بو استقبالین ندنلریندن اولا بیلر. حال بوکی میللت اورمو گؤلونون بو وضعیتیندن ده راحاتسیزدیلار و منیم ماهنینین ایلک بؤلومونده اوخودوغوم شعرلر ایسه داها چوخ بینیلمه سینه ندن اولوب.

علیزاده ماهنینین یارادانیندان داها قاباقدا گئتدیین قبول ائدرک، سؤیله دی: من اؤزومون بو چالیشین یاراتدیغی فضادان استفاده ائتمه یی، دوز بیلمیرم و چوخلو سئویرم اوتوروب، میللتین یاراتدیغی ایشلری و یازدیغی نظرلری گؤروب اوخویام!

او آرتیردی: هئچ زمان ایسته مه میشم بو یارادیلمیش موقعیت دن فالورلریمی چوخالدیب، اؤزومو اثرین یارادانی یا اوخویانی اولاراق، قاباغا آتام.

سنی دئییرلر ماهنیسینین اوخویانی، صداقت و اورکدن اولماسین، ماهنینین توتماسینا بیر باشقا ندن بیلیب، دئدی: سؤزون دوزو، من بو ماهنینی بیر توی مراسیمینده اوخوموشدوم. ایلک بؤلومون شعرلری ایسه، اورک سؤزلریم ایدی. بو اورکدن گلمک و ساده لیک، میللتین اوره یینده اوتورماسینا ندن اولوب.

علیزاده آردیندان سؤیله دی: ایلک بؤلومون شعرلرین اؤزوم دئمیشم. ماهنی بیر اسکی ماهنی ساییلیر آمما اونون ساده جه سنی دئییرلر بؤلومون گؤتوروب، بونلاری بیربیرینه قاتاراق یئنی ماهنی یاراتمیشمام.

او ماهنییا گؤره اولان نقدلره توخوناراق، دئدی: بو ماهنیدا هئچ زمان سیاسته گیریرشمه میشم و اؤنجه دن بیر خاص آماجیم یوخودو. بوکی دئییرلر بو ماهنی ایله ایسته ییرلر مملکتین اقتصادی مساله لرین میللته اونوتدورسونلار دوز دئییل و بو نقدلری اینصافا دایانان بیر سؤز بیلمیرم.

سنی دئییرلر ماهنیسینین اوخویانی، سونوندا سؤیله دی: نئچه آیدان سونرا یئنی ماهنیلاریمی آذربایجان خالقینا سوناجاغام و موسیقیده چالیشدیغیم زامانا قدر، آذربایجان اوغلو اولدوغوما ایفتیخار ائدیب و ماهنیلاریمی آذربایجانا حصر ائده جه یم.

ابراهیم علیزاده نین «سنی دئییرلر» ماهنیسی بو گونلر دیللره دوشوب، بیر چالیش اولاراق، ایراندان سووای، باشقا اؤلکه لره ده یئتیشیب. بو اسکی ماهنینی، علیزاده یئنی دن قوشوب و ایلک اولاراق بیر توی مراسیمینده ایفا ائدیب. ابراهیم علیزاده ۱۳۶۶-جی ایلده ماکونون شوط شهرینده آنادان اولوب و آلتی یاشیندان اوخوماغا باشلاییب. او اوخوماغی اوستادسیز، کاسئتلر و ایفالارا قولاق آسا- آسا اؤیرنیب.

سنی دئییرلر اسکی بیر سولدوز هاواسیدیر. بو ماهنی ایلک اولاراق ۱۳۵۶-جی ایلده سولدوزلو عاشیق محمدعلی محمودی وریندن اوخونوب و سونرالار اسد رهسپار، بیر باشقا سولدوزلو هنرمند بو ماهنینی ۱۳۷۴-جی ایلده اوخویوب.

 

true
true
false
true

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


false



ارسال